"Челси" бош мураббийи Маурисио Почеттино жароҳатидан тикланишда давом этаётган жамоа сардори Рис Жеймснинг ҳолати ҳақида гапирди.
"Жеймс яхши тикланмоқда, у аллақачон тўп билан ишламоқда. У майдонга қайтишга қанчалик яқин эканини ҳозирча айта олмайман. Умид қиламанки, у навбатдаги халқаро танаффусгача қайтади", - деди Почеттино матбуот анжуманида.
Эслатиб ўтамиз, Жеймс Англия Премьер-лигасининг янги мавсумида "Ливерпул"га қарши ўйинда иштирок этганди. Ушбу ўйиндан кейинги машғулотлардан бирида Рис жароҳат олди ва шу сабабли чемпионатнинг кейинги уч турини ўтказиб юборди.
