«Бавария»нинг собиқ президенти Ули Хёнесс голландиялик Луи ван Гал Германия терма жамоаси бош мураббийи бўлиши мумкинлиги ҳақидаги маълумотларга жавоб қайтарди.
«Мен мураббий сифатида ван Галга мухлислик қиламан, аммо у тайёрми ёки йўқми, билмайман. Умуман олганда, чет элдан кимгадир қўнғироқ қилиш унчалик осон эмас.
Гвардиолага шахсан мен қўнғироқ қилдим. Бироқ, бу жуда қийин вариант», - деди Хёнесс.
Эслатиб ўтамиз, Германия терма жамоаси бош мураббийи лавозими Ханс-Дитер Флик истеъфога чиқарилганидан кейин бўшаб қолганди.
Аввалроқ матбуотда «Бавария»нинг собиқ бош мураббийи Юлиан Нагельсманн билан музокара ўтказилгани ҳақида хабар берилганди.
