«Bavariya»ning sobiq prezidenti Uli Xyoness gollandiyalik Lui van Gal Germaniya terma jamoasi bosh murabbiyi bo‘lishi mumkinligi haqidagi ma’lumotlarga javob qaytardi.
«Men murabbiy sifatida van Galga muxlislik qilaman, ammo u tayyormi yoki yo‘qmi, bilmayman. Umuman olganda, chet eldan kimgadir qo‘ng‘iroq qilish unchalik oson emas.
Gvardiolaga shaxsan men qo‘ng‘iroq qildim. Biroq, bu juda qiyin variant», - dedi Xyoness.
Eslatib o‘tamiz, Germaniya terma jamoasi bosh murabbiyi lavozimi Xans-Diter Flik iste’foga chiqarilganidan keyin bo‘shab qolgandi.
Avvalroq matbuotda «Bavariya»ning sobiq bosh murabbiyi Yulian Nagelsmann bilan muzokara o‘tkazilgani haqida xabar berilgandi.
