Дортмунднинг «Боруссия» клуби бош мураббийи Эдин Терзич Бундеслиганинг 4-турида «Фрайбург» устидан қозонилган ғалаба (4:2) ҳақида фикр билдирди.
«Биз ғалабадан хурсандмиз, аммо ҳозирча 100 фоизлик потенциалда ўйнамаяпмиз. Яхши стартдан сўнг ўйинни назорат қила олмаганимиз бизга ёқмайди.
Биз рақиб жарима майдончамиз яқинида кўпинча тўплардан фойдаланишига йўл қўймасликка ҳаракат қилдик, аммо бу иш бермади.
60-дақиқадан бошлаб биз Фюллкруг ва Маленни ҳужумга чиқариб, учта ҳимоячи билан ўйнашга ўтдик ва бу яхши натижа берди», - дея Терзичнинг сўзларини келтиради клуб сайти.
«Боруссия» Германия чемпионати турнир жадвалида 8 очко билан 7-ўринда бормоқда. Жамоа ҳисобида 2 ғалаба ва 2 дуранг бор.
