Лондоннинг "Челси" клуби дарвозабони Роберт Санчес "аристократлар" сафига ўтиши ҳақида фикр билдирди.
“Менинг орзуим амалга ошди. Мен Премьер-лиганинг энг яхши жамоаси ва дунёнинг энг яхши жамоаларидан бирида ўйнайман. Бундай юқори даражага эришганингизда ажойиб. Бунга эришиш учун ҳар бир футболчи бутун умри давомида меҳнат қилади. Мен бу ерда муваффақиятга эришиб, афсоналардан бирига айланиш ниятидаман”, - деди испаниялик дарвозбон.
Санчес ёзги трансфер ойнасида "Брайтон"дан Лондон клубига ўтди. Жорий мавсумда Санчес бешта ўйин ўтказиб, олтита гол ўтказиб юборди.