"ПСЖ" ҳужумчиси Уго Экитикега Англия Премьер-лигасининг яна бир клуби қизиқиш билдирмоқда.
Миш-мишларга кўра, 21 ёшли футболчи сўнгги трансфер ойнасида Англияга кўчиб ўтиши мумкин эди, аммо "ПСЖ" бу таклифни қабул қилмади. Яқинда ОАВ франциялик футболчига "Вест Хэм" ва "Кристал Пэлас"дан қизиқиш бўлаётгани ҳақида хабарлар тарқалганди. Журналист Экрем Конурнинг ёзишича, "Брентфорд" ҳам футболчини кузатиб бормоқда ва январь ойида у учун Премьер-лиганинг бошқа вакиллари билан беллашишга умид қилмоқда.
Transfermarkt портали экспертлари Уго Экитикенинг нархини 20 миллион еврога баҳоламоқда. Форвард жорий мавсумда майдонда фақат бир марта майдонга тушди.
