Чемпионлар лигаси гуруҳ босқичининг 1-турида “ПСЖ” Дортмунднинг “Боруссия” клубини қабул қилиб, 2:0 ҳисобида ғалаба қозонди. Германия терма жамоаси ҳимоячиси Матс Хуммельс ўйиндан сўнг ижтимоий тармоқларда пост қолдирди.
"Биз томондан ёмон ўйин ва "ПСЖ"нинг ҳақли ғалабаси. Бироқ бугун ҳакам бизга қарши эди, пеналти белгилаш каби нотўғри қарорлар кўп бўлди. Демак, улар ҳам, биз ҳам иккинчи ўйин олдидан яхшиланишимиз керак”, — деб ёзган Хуммельс.
Гуруҳ босқичининг 2-турида “Боруссия” “Милан”ни қабул қилса, “ПСЖ” сафарда “Ньюкасл”га қарши баҳс олиб боради. Ўйинлар октябрь ойи бошида бўлиб ўтади.
