Жорий йилнинг сентябрь ойида Вьетнам ва Таиландда 17 ёшгача бўлган ўсмирлар ўртасидаги 2024 йилги Осиё кубоги баҳслари учун 2-саралаш босқичи бўлиб ўтиши режалаштирилган эди.
Аҳамиятли жиҳати шундаки, ушбу учрашувларда ишлаш учун ўзбекистонлик ФИФА ҳаками ҳам жалб этилган.
Бугун Розиябону Юсупова ушбу саралашнинг А гуруҳи 2-туридан ўрин олган Ҳиндистон U-17 ҳамда Таиланд U-17 терма жамоалари иштирокидаги баҳсда ишлаш учун тайинлов олди.
Биринчи турда у Жанубий Корея – Ҳиндистон баҳсида захира ҳаками сифатида иштирок этган эди.