"Наполи" марказий ҳужумчиси Виктор Осимхен УЕФА Чемпионлар лигаси гуруҳ босқичининг биринчи турида Португалиянинг "Брага"сига қарши ўйин натижаси ҳақида гапирди. Неаполликлар 2:1 ҳисобида зафар қучди.
"Гол урмасдан майдонни тарк этиш мен учун ғалати. Мен ҳужумчиман, ҳужумчилар эса гол билан яшайди. Лекин бу мени жуда хавотирга солмоқда деб айтмайман. Мен бундай дақиқаларга тайёрман. Сиз жамоага нафақат голлар, балки бошқа ҳаракатлар билан ҳам ёрдам бера оласиз", - дея нигериялик ҳужумчининг сўзларини келтиради УЕФА матбуот хизмати.
Ғалаба эвазига "Наполи" "C" квартет жадвалида биринчи ўринни эгаллаб турибди, "Брага" эса учинчи ўринда.
