«Реал Мадрид» ҳимоячиси Лукас Васкес катта эҳтимол билан «Атлетико»га қарши дербида асосий таркибда майдонга тушади. Бу ҳақда Испаниянинг Marca нашри хабар берди.
Эслатиб ўтамиз, «Реал Мадрид»нинг асосий ўнг қанот ҳимоячиси Дани Карвахаль яқинда жароҳат олган ва шу сабаб Чемпионлар лигаси гуруҳ босқичи 1-тури доирасидаги «Берлин Унион»га қарши ўйинни ўтказиб юборган эди. Испаниялик футболчининг жароҳати қанчалик жиддийлиги ҳозирча номаълум.
Васкес «Унион»га қарши баҳсда асосий таркибда майдонга тушиб, жамоасининг 1:0 ҳисобида минимал ғалаба қозонишига ёрдам берди.
Эслатиб ўтамиз, Испания Ла Лигасида «Реал Мадрид» дастлабки бешта турда максимал очко жамғарган.
