"Ювентус" бош мураббийи Массимилиано Аллегри ўтган ёзда Франциянинг "Лилль" клубидан Турин жамоасига ўтган ҳимоячи Тимоти Веанинг ўйинларини баҳолади.
“Веа? Бу ёш йигит эришаётган ютуқлардан жуда мамнунман. У Италияга уч ой олдин келган ва ўсишда давом этмоқда. Айни пайтда у захирадан майдонга тушиб, жамоани кучайтира оладиган ажойиб футболчи”, - деди Аллегри матбуот анжуманида.
Эслатиб ўтамиз, Тимоти ўз вақтида “Олтин тўп”ни қўлга киритган “Милан”нинг собиқ ҳужумчиси Жорж Веанинг ўғлидир. Янги мавсумда Тимоти А Серияда 4 та ўйин ўтказди.
