«Ливерпуль» мухлислари дўконининг ижтимоий тармоқлардаги расмий саҳифасида 29 майдан 10 сентябргача бўлган даврда футболкалар сотуви бўйича статистик маълумотлар эълон қилинди.
Пешқадам мерсисайдликлар жамоасининг янги футболчиси Доминик Собослай бўлиб турибди, уни «қизиллар» ёзда Германиянинг «РБ Лейпциг» клубидан 70 миллион евро эвазига сотиб олганди.
Иккинчи ўринда ҳужум етакчиси Муҳаммад Салоҳ. Футболкалар сотуви бўйича 3-ўринни «Ливерпул»нинг яна бир янги футболчиси, «Брайтон»дан кўчиб ўтган Алексис Макаллистер якунлайди.
