"Манчестер Юнайтед" "Бёрнли"ни мағлуб этиб (1:0) мағлубиятли сериясини тўхтатди.
Эрик тен Хаг жамоаси 26 августдан бери илк бор ғалаба қозонди. Бугунги ўйин олдидан улар АПЛда "Арсенал" (1:3) ва "Брайтон" (1:3), Чемпионлар лигасида "Бавария" (3:4)дан мағлубият аламини тотиб кўрганди.
Кейинги ўринда манкунианликлар "Кристал Пэлас"га қарши иккита ўйин ўтказади: 26 сентябрда - Англия Лига кубогида, 30 сентябрда - Англия чемпионатида.
“Манчестер Юнайтед” дарвозабони Андре Онана 14 августдан буён илк бор ўз дарвозаси дахлсизлигини сақлаб қолишга муваффақ бўлди, у ўзининг клубдаги илк ўйинидан сўнг 5 ўйинда 14 бор дарвозасидан тўп олиб чиқди.
