Маурисио Почеттинонинг фикрича, "Челси" хўжайинлари жамоани қўллаб-қувватлашлари керак.

Лондон клуби Премьер-лига доирасидаги ўйинда “Астон Вилла”га имкониятни бой берди (0:1). "Челси" кетма-кет учинчи ўйинда гол ура олмади.

"Менимча, "Челси" биринчи бўлимда кўпроқ нарсаган лойиқ эди. Иккинчи бўлимни устунлик билан бошладик, аммо қизил карточкадан кейин ўйин ўзгарди.

- Жамоа ўйинини ўзгартириш учун нима қилиш керак?

- Ишлаш, футболчиларга ишонтириш ва уларга ишониш керак.

Жамоа таркиби бизнинг ихтиёримизда ва биз футболчиларнинг ишончини кучайтиришимиз, футболчиларга керакли ёрдамни беришимиз керак, шунда улар майдонда имконият ярата оладилар.

Биз яхши ўйнаяпмиз, лекин мукаммал ўйин намойиш этмаяпмиз, шу сабабли, гол ура олмаяпмиз.

- Жамоа хўжайинларининг ҳафсаласи пир бўлдими?

- Албатта, уларнинг ҳафсаласи пир бўлди, лекин шу билан бирга улар бу режани қўллаб-қувватлашлари керак", - деди "Челси" бош мураббийи Маурисио Почеттино.