Лондоннинг “Арсенал” ва “Тоттенхэм” клублари жанговар дерби ўтказиб, 2:2 ҳисобида дуранг ўйнади. "Тоттенхэм" сардори Сон Хён Мин ўйин натижаси ҳақида фикр билдирди, у жамоадошларини ўйин охиригача курашгани учун мақтади.

"Бу ҳақиқий дерби, қийин ўйин бўлди. Биз ўйиннинг охиригача, финал ҳуштаги янграгунча курашдик. Биз бу ўйинда боримизни бердик, мухлислар олдида уяладиган ҳеч нарсамиз йўқ. "Мен ғалаба қозонишни хоҳлардим, лекин муҳими, ўйин яхши бўлди", - дея кореялик ҳужумчи сўзларини келтиради BBC Sport.

Кейинги турда “Тоттенхэм” “Ливерпуль”га қарши баҳс олиб боради.