Мадриднинг “Атлетико” клуби бош мураббийи Диего Симеоне кеча Ла Лиганинг 6-тури доирасидаги “Реал”га қарши ўйин ҳақида ўз фикрлари билан ўртоқлашди. “Матрасчилар” 3:1 ҳисобида зафар қучди.
“Жамоанинг ўйинидан мамнунман. Ҳисоб 2:0 бўлганида тез-тез орқага чекиниб, рақибга хавфлироқ бўлган майдонларда ўйнаш имкониятини бердик. Иккинчи бўлимда "Атлетико" худди шундай футбол кўрсатишда давом этганида мағлуб бўлиши мумкин эди. Бироқ, Моратанинг голи бизни тўғри йўлга қайтарди", - деди аргентиналик мутахассис Marca билан суҳбатда.
Дербидаги ғалабадан кейин "Атлетико" ўн очкога эга ва Ла Лига турнир жадвалида олтинчи ўринни эгаллаб турибди.
