Madridning “Atletiko” klubi bosh murabbiyi Diyego Simeone kecha La Liganing 6-turi doirasidagi “Real”ga qarshi o‘yin haqida o‘z fikrlari bilan o‘rtoqlashdi. “Matraschilar” 3:1 hisobida zafar quchdi.
“Jamoaning o‘yinidan mamnunman. Hisob 2:0 bo‘lganida tez-tez orqaga chekinib, raqibga xavfliroq bo‘lgan maydonlarda o‘ynash imkoniyatini berdik. Ikkinchi bo‘limda "Atletiko" xuddi shunday futbol ko‘rsatishda davom etganida mag‘lub bo‘lishi mumkin edi. Biroq, Morataning goli bizni to‘g‘ri yo‘lga qaytardi", - dedi argentinalik mutaxassis Marca bilan suhbatda.
Derbidagi g‘alabadan keyin "Atletiko" o‘n ochkoga ega va La Liga turnir jadvalida oltinchi o‘rinni egallab turibdi.
