Ҳимоячи Серхи Роберто қишки трансфер ойнасида Каталониянинг “Барселона” клубини тарк этиши мумкин. Todofichajes портали журналистларининг хабарларига кўра, 31 ёшли футболчининг хизматларига Мадриднинг "Атлетико" клуби қизиқиш билдирмоқда.

“Матрасчилар” тажрибали футболчини беш миллион еврога сотиб олишлари мумкин. Роберто каталонияликлар жамоасида 2013 йилнинг ёзидан бери ўйнаб келмоқда ва унинг клуб билан амалдаги меҳнат шартномаси 2024 йилнинг июн ойи охирида тугайди.

Испания чемпионатининг жорий мавсумида тажрибали ҳимоячи учта ўйин ўтказиб, гол ура олмаган.