"Барселона" ўзининг оғир молиявий аҳволини инобатга олиб, арзон ёки текинга шартнома имзолаши мумкин бўлган футболчиларни фаол равишда кўриб чиқмоқда. Мисол учун, Каталония грандининг ўз радарларида ярим ҳимоячи Вилфред Ндиди бор, унинг "Лестер" билан шартномаси келаси ёзда тугайди.

Spanish Sport нашри хабарига кўра, "Барселона" бу футболчини анчадан бери кузатади. Бироқ 26 ёшли нигериялик футболчига бошқа юқори мақомга эга клублар ҳам қизиқиш билдирмоқда - "Бавария", "Атлетико" ва "Ювентус".

Айтиш жоизки, “Лестер” баҳорда Премер-лигадан тушиб кетган ва ҳозир Чемпионшипда ўйнайди.