Туриннинг "Ювентус" клуби вингери Федерико Кьеза Италия чемпионатининг жорий мавсумидаги жамоасининг амбициялари ҳақида гапирди.
"Агар сиз "Ювентус"да ўйнасангиз, бу сизга маълум мажбуриятларни юклайди. "Кекса синьора" тарихи чемпионлик унвонларидан иборат. Бу мавсумда биз Чемпионлар лигасига қайтиш учун кучли 4таликка киришни истаймиз. Ҳозир биз бош мураббий бизга сингдираётган замонавий футболни кўрсатишга ҳаракат қиляпмиз”, - дея футболчининг сўзларини келтиради инсайдер Альфредо Педулла.
Ўтказилган 6 та ўйиндан сўнг “Ювентус” 13 очко жамғариб, турнир жадвалида иккинчи ўринда бормоқда.
