"Манчестер Юнайтед" ва "Реал"нинг собиқ ҳужумчиси Хавьер "Чичарито" Эрнандес кўпинча такаббурлик ва ўзини ўйлашда айбланаётган собиқ жамоадоши Криштиану Роналду ҳақида ўз фикрлари билан ўртоқлашди.
"Тасаввур қилинг-а, жамоангизда Криштиану Роналдудек футболчи бор ва мураббий сизнинг манфаатингиз учун фойдаланиши мумкин бўлган қуроллардан бири. Унга ҳурмат ва эҳтиромдан бошқа ҳеч нарсам йўқ. У майдонда нима қила олишини ҳамма билади, лекин кийим алмаштириш хонасида унинг қандай феноменал жамоадоши эканлиги ҳақида кам одам гапиради. Мен Криштиану билан мулоқот қилиш қийин одам деб айтадиган битта ўйинчини билмайман", - деди Эрнандес Paramount+ нашрига берган интервьюсида.
Мексикалик ва португалиялик футболчилар 2014/15 йилги мавсумда "Реал"да бирга ўйнашган.
