Арманистонлик ярим ҳимоячи Генрих Мхитарян Саудия Арабистони чемпионатидан келган фойдали таклифга қарамай, «Интер»ни тарк этишни истамаяпти. Бу ҳақда FC Inter News хабар бермоқда.
34 ёшли ярим ҳимоячи фаолиятини Италия грандида давом эттирмоқчи ва янги икки йиллик меҳнат шартномасини имзолашга тайёр.
«Нерадзуррилар» раҳбарияти Мхитарянга «1+1» схемаси бўйича келишув таклиф қилишни режалаштирмоқда. Музокаралар келаси йилнинг февраль-март ойларига мўлжалланган.
Генрихнинг Милан клуби билан амалдаги шартномаси муддати келаси йилнинг ўрталаригача мўлжалланган.
Италия чемпионатининг жорий мавсумида Мхитарян олтита ўйин ўтказиб, иккита гол урди ва битта голли узатмани амалга оширди.
