"Барселона" бош мураббийи Хави Эрнандес вингер Рафинья Диаснинг жароҳати ҳақидаги саволга жавоб берди.

Бразилиялик футболчи “Севилья”га (1:0) қарши ўйиннинг 37-дақиқасида алмаштирилган ва дастлабки текширувлар футболчининг сон суяги ёрилиши аниқланган.

"Эртага яна синовлар бўлади ва биз Рафиньянинг жароҳати ҳақида кўпроқ билиб оламиз", деди ўйиндан сўнг Хави. "Умид қиламанки, у терма жамоа ўйинлари учун халқаро танаффусдан сўнг тайёр бўлади", - дея каталонияликлар бош мураббийининг сўзларидан иқтибос келтиради Barca Universal.

Рафинья Диас жорий мавсумда “Барселона” сафида 7 та ўйинда майдонга тушди. Унинг ҳисобида иккита гол ва учта голли узатма бор.