Испания чемпионатининг саккизинчи тури доирасида Мадриднинг «Атлетико» клуби «Кадис» билан учрашди ва 3:2 ҳисобида ғалабани тантана қилди.
«Матрасчилар» жамоаси бош мураббийи Диего Симеоне ушбу ўйин ҳақидаги фикрлари билан ўртоқлашди.
«Атлетико» учрашувни яхши бошлади, дастлабки ўн дақиқада бизда иккита гол уриш учун имкониятлар бўлди.
Жамоа яхши ҳаракат қилди, аммо рақиб қарши ҳужумларда муаммо яратиши аниқ эди. Аммо учрашувдан асабийлашдик деб айтмайман.
Жамоа ўз футболини ўйнади ва яхши рақибни мағлуб этди», - дея Симеоненинг сўзларини келтиради Marca газетаси.
