Испаниялик ярим ҳимоячи Луис Альберто келажаги ҳақида бир қарорга келди. Журналист Николо Скиранинг ижтимоий тармоқлар орқали хабар беришича, 31 ёшли ярим ҳимоячи "Лацио" билан янги меҳнат шартномаси имзолашга қарор қилган. Шартнома 2027 йилгача амал қилади.

Томонлар ўртасидаги янги шартномада бир мавсумга узайтириш имконияти мавжуд. Футболчининг маоши йилига 4 миллион еврони ташкил қилади.

Луис Италия жамоасида 2016 йилдан буён ўйнаб келмоқда. Италия чемпионатининг жорий мавсумида ярим ҳимоячи еттита ўйин ўтказиб, иккита гол ва битта голли узатмани амалга оширди.