Мадриднинг “Реал” клуби бош мураббийи Карло Анчелотти франциялик ярим ҳимоячи Эдуард Камавинганинг янги роли ҳақида гапирди. Яқинда Ла Лига доирасида "Жирона"га қарши ўйинда (3:0) футболчи чап қанот ҳимоячиси позициясида ўйнади.
"Менди анчадан бери ўйнамади. Мен биринчи навбатда Франни асосий таркибга киритмоқчи эдим, лекин кейин Винисиус бу ўйинда юқори ўйнаши керак деган қарорга келдим. Шу боисдан ҳам Камавинга ҳимоячи позициясини эгаллаши керак эди", - деди Анчелотти Madrid Universal билан суҳбатда.
Аввалроқ, 20 ёшли франциялик футболчи "қироллик клуби" билан янги шартнома имзолашга яқин тургани ҳақида хабар берилганди.
Камавинга Испания чемпионатида жорий мавсумда саккизта ўйин ўтказди.
