"Бенфика" ҳужумчиси Давид Нерес Бразилия терма жамоасининг ЖЧ-2026 саралаш босқичидаги ўйинларида жароҳат олган Рафинья ўрнини эгаллайди.
"Реал"дан Винисиус Жуниорнинг ўрнига чақирилган "Барселона" вингери ўнг сонидан бицепс жароҳати олди ва камида уч ҳафта майдонга туша олмайди.
"Селесао" либосида еттита ўйинда битта гол урган Нерес 2019 йилдан бери илк бор миллий терма жамоага чақирилди. Миллий терма жамоа аъзоси сифатида Давид 2019 йилда Америка кубогини қўлга киритди.