"Челси" бош мураббийи Маурисио Почеттино украиналик ярим ҳимоячи Михаил Мудрикнинг Англия Премьер-лигасидаги дебют голи ҳақида ўз фикрлари билан ўртоқлашди. Қанот футболчиси Лондон дербисида “Фулхэм”га (2:0) гол урди.
"Михаил ниҳоят дебют голини урганидан хурсандман. Ёш футболчиларга тўлиқ мослашиш учун вақт кераклигини тушунишингиз керак. Биз сабрли бўлишимиз ва ёш истеъдодларга ишонишимиз керак. Бу жуда кўп иш, босқичма-босқич ҳаммаси бўлади. Жамоа омадсиз ўйнаганида ҳам биз ижобий муносабатни сақлаб қолдик", - дея аргентиналик сўзларидан иқтибос келтиради клуб матбуот хизмати.
Мудрик 2023 йил бошида "Челси"га ўтган эди. Унинг "кўклар" билан шартномаси 2031 йилгача мўлжалланган.
