"Chelsi" bosh murabbiyi Maurisio Pochettino ukrainalik yarim himoyachi Mixail Mudrikning Angliya Premyer-ligasidagi debyut goli haqida o‘z fikrlari bilan o‘rtoqlashdi. Qanot futbolchisi London derbisida “Fulxem”ga (2:0) gol urdi.
"Mixail nihoyat debyut golini urganidan xursandman. Yosh futbolchilarga to‘liq moslashish uchun vaqt kerakligini tushunishingiz kerak. Biz sabrli bo‘lishimiz va yosh iste’dodlarga ishonishimiz kerak. Bu juda ko‘p ish, bosqichma-bosqich hammasi bo‘ladi. Jamoa omadsiz o‘ynaganida ham biz ijobiy munosabatni saqlab qoldik", - deya argentinalik so‘zlaridan iqtibos keltiradi klub matbuot xizmati.
Mudrik 2023 yil boshida "Chelsi"ga o‘tgan edi. Uning "ko‘klar" bilan shartnomasi 2031 yilgacha mo‘ljallangan.
