"Барселона"нинг собиқ футболчиси Кевин-Принс Боатенг Лионель Месси унга Италия ҳақида савол берганини эслади. Собиқ футболчи аргентиналик юлдуз Криштиану Роналду билан рақобатини ҳисобга олиб, бу саволни берганини аниқ айтди. Ўшанда португалиялик футболчи "Ювентус"да ўйнар эди.
"Месси сардор, лекин у кўп гапирмайди. Биз бир марта душда гаплашдик, у Италияда гол уриш қийинми, деб сўради, чунки ўша пайтда Роналду у ерда эди. Бу улар ўртасидаги рақобатни кўрсатди", - деди Боатенг Goal билан суҳбатда.
Лионель Месси ва Криштиану Роналду айни дамда Европадан ташқарида мос равишда "Интер Майами" ва "Ан-Наср"да ўйнашмоқда.
