Яқин кунларда «Бавария»га қайтиши мумкин бўлган ҳимоячи Жером Боатенг формага қайтиш учун фаол ишламоқда.
Якшанба куни 35 ёшли Боатенг Мюнхеннинг асосий жамоаси билан, душанба куни эса ёшлар жамоаси билан машғулот ўтказди.
Сешанба куни футболчи майдонда фитнес мураббийи билан индивидуал машғулот ўтказди. Журналист Хайко Нидерер ижтимоий тармоқларда ёзганидек, жараёнлар 45 дақиқа давом этди.
Эслатиб ўтамиз, Жером Боатенг аввал 2011-2021 йилларда «Бавария»да ўйнаган. Ўтган ёзда ҳимоячи Франциянинг «Лион» клубини тарк этиб, клубсиз қолганди.