2022 йилда ҳужумкор ярим ҳимоячи Манор Соломон ФИФА қоидаларига киритилган тузатишдан фойдаланиб, «Шахтёр»дан «Фулхэм»га ўтди.
Ўшанда исроиллик футболчи Украина чемпиони билан шартномасини тўхтатганди. Орадан бир йил ўтиб Соломоннинг клуби билан тузган меҳнат шартномаси тугади ва у «Тоттенхэм»га ўтди. «Шахтёр» бундан норозилигини билдирди ва «шпорлар»дан товон пули талаб қилди.
ESPN хабарига кўра, «Шахтёр» бош директори Сергей Палкин «Тоттенхэм» билан товон пули тўланиши борасида музокара олиб бораётганини айтди.