Лионель Месси сентябрь ойида Аргентина терма жамоасида олган жароҳати туфайли «Интер Майами»нинг сўнгги бир неча ўйинини ўтказиб юборди.
Месси сешанба куни машғулотларга қайтди. Тегишли фотосуратни Miami Herald газетаси улашди. Кўринишидан, аргентиналик юлдуз умумий гуруҳда машғулот ўтказган. Демак, Лионелнинг навбатдаги ўйинда «Интер Майами»га қайтиш имконияти бор.
Қўшимча қиламизки, агар Европа вақти ҳақида гапирадиган бўлсак, «Интер Майами» ўзининг навбатдаги МЛС ўйинини чоршанбадан пайшанбага ўтар кечаси ўтказади.
Херардо Мартино шогирдлари «Чикаго Файр»га қарши баҳс олиб боради.
