Криштиану Роналду Саудия Арабистони чемпионатида сентябрь ойининг энг яхши футболчиси деб топилди.
Роналду сентябрь ойида ўтказган тўртта ўйиннинг ҳар бирида гол урди. Ўтган ойда "Ан-Наср" ҳужумчиси 5 та гол ва 3 та голли узатмани амалга оширган.
Эслатиб ўтамиз, португалиялик ушбу совринни кетма-кет иккинчи марта қўлга киритмоқда – август ойида Роналду Саудия Арабистони чемпионатининг 3 та ўйинида 5 та гол ва 2 та голли узатма билан ойнинг энг яхши футболчиси деб топилган эди.