Винисиус Чемпионлар лигасида "Реал" сафида урган голлари сони бўйича Роберто Карлосни ортда қолдирди.
Гуруҳ босқичининг “Наполи”га қарши баҳсида Винисиус 27-дақиқада ҳисобни очди.
"Реал Мадрид" вингери Чемпионлар лигасидаги 16-голини урди ва "Реал Мадрид"нинг Чемпионлар лигаси тарихидаги энг муваффақиятли бразилиялик футболчи бўлган Роберто Карлосдан ўзиб кетди. Шу билан бирга, Винисиус турнирда Карлосдан 60 та кам ўйин ўтказди (47 - 107).
Шунингдек, Винисиус "Реал Мадрид"нинг Чемпионлар Лигасидаги энг яхши тўпурарлари орасида 5-ўринни эгаллади. Турнирда “Лос-Бланкос” сафида фақатгина Криштиану Роналду (105), Карим Бензема (78), Рауль (66) ва Фернандо Мориентес (17) кўпроқ гол уришган.
