Мадриднинг “Реал” клуби ярим ҳимоячиси Федерико Вальверде ЕЧЛ гуруҳ босқичи 2-турида “Наполи” устидан қозонилган ғалаба (3:2) ҳақида гапирди.

“Бу ажойиб ўйин бўлди ва об-ҳаво ажойиб эди. Бу ерда биринчи марта ўйнаяпман. Лекин энг муҳими биз ғалаба қозондик. Биринчи бўлимда устунлик қилдик, аммо дастлабки дақиқаларда қийинчиликка дуч келдик. Кейин улар пенальти тепишди ва биз ортда қолдик, аммо биз олдинга чиқиб, ғалаба қозона олдик.

Ғалаба голи? Мен бироз хафа бўлдим, чунки таблога қарадим ва Вальверде учун ҳеч қандай белги йўқ эди. Рақиб ўйинчиларидан бири гол мен томонидан киритилмаганини айтди, лекин муҳими биз уч очкони қўлга киритдик", - деди Вальверде "Реал" расмий сайтига.

Вальверде узоқ масофадан зарба йўллади, тўп йўл-йўлакай "Наполи" футболчисига тегиб, дарвоза тўридан жой олди.