Саудия Арабистонининг "Ан-Наср" клубида ўйнаётган португалиялик ҳужумчи Криштиану Роналду жинсий зўравонлик учун навбатдаги судга тортилди. Бу ҳақда Sky Sports нашри хабар бермоқда.
Даъвони модел Кэтрин Майорга қўзғатган, у футбол юлдузини икки марта судга беришга уринган. У Криштиануни 2009 йил июнь ойида зўрлаганликда айблайди. Айни дамда аёлнинг адвокатлари жиноий иш қўзғатмоқчи ва янги даъво тайёрламоқда.
Роналду ҳозирда Саудия Арабистони чемпионатида "Ан-Наср" клубида ўйнайди. Унинг маоши йилига 200 миллион еврони ташкил қилади. 38 ёшли португалиялик футболчининг клуб билан тузган шартномаси 2025 йилнинг ёзида якунига етади.
