Лондоннинг "Тоттенхэм" клуби агар фойдали таклиф тушса, январ ойида Пьер-Эмил Хойбергни сотишга тайёр. La Gazzetta dello Sport хабарига кўра, "шпорлар" даниялик учун 30 миллион евро олмоқчи.
Қайд этилишича, Туриннинг "Ювентус" клуби ўтган ёзда ярим ҳимоячини сотиб олишга уриниб кўрган Хойберг хизматларига қизиқиш билдирмоқда. Айни пайтда 28 ёшли футболчи учун курашда “Кекса синьора” етакчилик қилмоқда.
Эслатиб ўтамиз, аввалроқ Хойбергга "Атлетико Мадрид" қизиқаётган эди.