"Манчестер Сити" ҳужумчиси Эрлинг Холанд ўйинларда қўлдан бой бераётган имкониятлари туфайли танқидларга учради. "Сити" бош мураббийи Хосеп Гвардиола бу борада фикр билдирди.
“У гол уриш учун жуда кўп имкониятларга эга эди. 16 метрлик жарима майдончасида беш нафар ҳимоячи бўлса, бу қийинроқ. Бу нафақат унга, балки дунёдаги барча бошқа ўйинчиларга ҳам тегишли. Агар унинг имкониятлари ва гол уриш услубига қарасангиз, у ўтган мавсумдагидек даражада", - деди Гвардиола журналистларга.
2023/2024 йилги мавсумда Эрлинг Холанд 10 та ўйинда майдонга тушиб, 8 та гол урди ва шериклари учун иккита голли узатмани амалга оширди.
