“Ливерпуль” Европа лигаси гуруҳ босқичининг 2-турида “Юнион”ни мағлуб этди (2:0).

44-дақиқада мезбонлар ярим ҳимоячиси Райан Гравенберх ҳисобни очди, нидерландиялик футболчи “Бавария”дан кўчиб ўтганидан кейин “қизиллар” сафида илк бор гол урди. Қанот ҳужумчиси Диогу Жота 92-дақиқада орадаги фарқни оширди.

"Ливерпул" 6 очкога эга ва «E» гуруҳида пешқадамлик қилмоқда, "Тулуза" (4), "Юнион" (1) ва ЛАСКдан (0) олдинда.

Мураббий Юрген Клопп шогирдлари сўнгги 9 учрашувнинг 8 тасида ғалаба қозонган. Бу мавсумда Премер-лигада фақат “Тоттенхэм”га (1:2) мағлуб бўлди.

8 октябрь куни “Ливерпуль” сафарда “Брайтон”га қарши баҳс олиб боради.