"Ливерпуль" ярим ҳимоячиси Райан Гравенберх "Юнион"га қарши Европа лигаси гуруҳ босқичидаги ўйиндаги голи ҳақида гапирди. Учрашув 2:0 ҳисобида мерсисайдликларнинг ғалабаси билан якунланди.
“Бу ажойиб туйғу эди. Фаолиятимдаги энг осон голни урдим. Лекин бу муҳим эмас, чунки гол - бу гол. Мухлисларнинг олқишлари мен учун катта аҳамиятга эга. Улар мени қўллаб-қувватлаганидан хурсанд бўлдим. Мен уларга яхши ўйин билан жавоб бермоқчиман", - дея хабар беради «қизиллар» матбуот хизмати нидерландиялик футболчининг сўзларини.
Европа Лигасининг икки тури якунларига кўра, “Ливерпуль” олти очко жамғариб, ўз гуруҳида пешқадамлик қилмоқда.
