Туриннинг "Ювентус" клуби ярим ҳимоячиси Мануел Локателли "кекса синьора" бош мураббийи Массимилиано Аллегри ва "Сассуоло"да ўйнаган Роберто де Зерби ўртасида танлов қилди.
“Булар ўзига хос тарзда ноёб бўлган турли мураббийлар. Роберто билан яқин алоқадаман, чунки у менинг ҳаётимни ўзгартирди. Мен "Сассуоло"да тажрибага муҳтож бўлган йигит эдим. Кейинчалик топ-клубга қайтишим учун менга қаттиқ сабоқлар керак эди”, деди Локателли.
Эслатиб ўтамиз, Роберто де Зерби эндиликда ўтган мавсумда Европа лигаси йўлланмасини қўлга киритган "Брайтон"ни бошқармоқда.
