Бразилия терма жамоаси ва Лондоннинг «Арсенал» клуби ҳужумчиси Габриэль Жезус фаолиятини Италия чемпионатида давом эттириши мумкин, деб хабар бермоқда ANSA журналистлари.
Манбага кўра, 26 ёшли футболчининг хизматларига «Наполи» қизиқиш билдирмоқда. Неапол топ-клуби Жезусни нигериялик Виктор Осимхенга муқобил сифатида кўрмоқда.
Англия чемпионатининг жорий мавсумида Жезус бешта ўйин ўтказиб, битта гол урди. Бразилиялик футболчининг «канонирлар» билан шартномаси 2027 йилнинг ёзига қадар тузилган. Футболчининг трансфер қиймати 75 миллион еврони ташкил этади.
