"Манчестер Юнайтед"нинг даниялик собиқ дарвозабони Петер Шмейхель аввалроқ Эрик тен Хагнинг талабига биноан жамоага қўшилган янги футболчи Андре Онанага шубҳа билан қараган эди. Ҳозир, Онананинг навбатдаги хатосидан сўнг, Шмейхель Андренинг аҳволи ёмонлашаётганини айтди - клуб ўйинчилари посбонга ишончини йўқотмоқда.
"Брентфорд"га қарши ўйинда Онана яққол хатога йўл қўйди. У жуда эрта сакраб, тўпни ўтказиб юборди. У ўз техникаси устида ишлаши керак, чунки у илгари ҳам шундай хатоларга йўл қўйган. "Мен у билан гаплашишга, унга "Манчестер Юнайтед"да бўлиш нимани англатишини тушунтиришга ҳаракат қилдим, аммо менимча, унинг такрорий хатолари футболчиларнинг Онанага бўлган ишончини йўқотишига олиб келди", - дея Шмейхелнинг сўзларидан иқтибос келтиради Италиянинг ITASportPress агентлиги.
