Швециялик собиқ футболчи Златан Ибраҳимович "Милан" ҳужумчиси Оливье Жирунинг дарвозабон сифатидаги ўйинига муносабат билдирди.
Эслатиб ўтамиз, Италия А Сериясининг 8-туридан ўрин олган "Женоа" билан ўйиннинг 90+9-дақиқасида "Милан" дарвозабони Меньян майдондан четлатилди. Натижада ҳужумчи Оливье Жиру ўйин охиригача дарвозада турди, чунки миланликларда захирадан янги футболчини майдонга тушириш учун лимит қолмаган эди. Унинг ҳаракатлари Стефано Пиоли шогирдларининг 1:0 ҳисобида ғалаба қозонишига ёрдам берди.
"Янги чақирувни топиш ҳеч қачон кеч эмас" - деб пост қолдирди Ибраҳимович ижтимоий тармоқларда.
