"Рома" бош мураббийи Жозе Моуриньо Италия чемпионатининг 8-тури доирасида "Кальяри"га (4:1) қарши ўйиндан сўнг, римликлар ҳужумчиси Пауло Дибаланинг ҳолати ҳақида гапирди.

Аргентиналик футболчи ўйинга асосий таркибда кирди, бироқ жароҳат олиб, 40-дақиқада ўз ўрнини Андреа Белоттига бўшатиб берди. Аргентиналик футболчининг қайтиш вақти ҳозирча номаълум.

"Биз оптимистик эмасмиз. Мен футболчиларимнинг фикрига ишонаман – агар унга оптимизм етишмаса, мен ундан ўрнак оламан. Албатта, яқин кунларда тест натижалари нимани кўрсатишини кутишимиз керак, аммо мен Паулонинг сезгисига ишонаман. У ўз танасини яхши билади, агар у ижобий ҳис қилмаса, мен ҳам шундай ҳис қиламан.

Мен у билан гаплашдимми? Мен Паулога сиз билан бир хил савол бердим - у ҳозир тиббиёт ходимлари билан. Биз натижаларни кутмоқдамиз ва бизнинг ходимларимиз муаммоларни фақат улар қабул қилингандан кейин муҳокама қиладилар. Мен Паулога тўғридан-тўғри савол бердим, агар у оптимистик бўлмаса, мен ҳам шундай бўламан", - деди Моуриньо "Рома" расмий сайтига.

Жорий мавсумда Дибала барча турнирларда 7 та ўйин ўтказиб, 2 та гол урди ва иккита голли узатмани амалга оширди.

А Сериянинг 8-туридан кейин “Рома” 11 очко билан 10-ўринда бормоқда.