"Реал Мадрид" жамоаси ҳужумчиси Винисиус Жуниор билан янги меҳнат шартномаси имзоланганини эълон қилишга тайёрланмоқда. Инсайдер Фабрицио Романонинг хабар беришича, "Лос Бланкос" клуб президенти Флорентино Перес коронавирусдан тузалгач, расмий баёнот билан чиқади.
"Реал Мадрид" дастлаб ўтган ҳафта катта янгиликни эълон қилмоқчи эди, аммо Переснинг касаллиги туфайли режалар ўзгарди. Эслатиб ўтамиз, Жуниорнинг трансфери учун товон пули бир миллиард еврони ташкил қилади.
23 ёшли бразилиялик футболчи 2018 йилнинг ёзидан буён "Реал"да тўп тепмоқда. Томонлар ўртасидаги амалдаги шартнома 2024 йилнинг июнь ойи охирида тугайди.
