Лондоннинг «Тоттенхэм» клуби «Манчестер Сити» ярим ҳимоячиси Калвин Филлипсга қизиқаётган клублардан биридир.
Журналист Стив Кай маълумотларига кўра, Анже Постекоглу жамоаси англиялик футболчини январь ойидаги трансфер ойнасида қўлга киритишга ҳаракат қилиши мумкин.
Эслатиб ўтамиз, Филлипснинг қишда «Манчестер Сити»ни тарк этиш эҳтимоли юқори. Футболчи кўпроқ ўйин амалиётига эга бўлишни истайди, лекин ҳали бош мураббий Пеп Гвардиоладан керакли ишончни қозонгани йўқ.
Аввалроқ Филлипсга «Ньюкасл» ва «Ливерпуль» клублари ҳам қизиқиш билдираётган эди. «Манчестер Сити» Калвин билан доимий равишда хайрлашмайди ва футболчини мавсум охиригача ижарага юборадиган вариант мавжуд.