Transfermarkt портали нархлари сўнгги марта янгилангандан сўнг Италия А Сериясида энг арзонлаган футболчилар рейтинги чиқди.
Рейтингнинг пешқадами «Ювентус» ярим ҳимоячиси Филип Костич бўлди. Унинг нархи дарҳол 7 миллион еврога тушиб кетди ва ҳозир серб 15 миллионга баҳоланган.
Кейин олти футболчида нархлар 5 миллион еврога пастлаган - «Рома» вакиллари Тэмми Абрахам (35 миллион) ва Лоренцо Пеллегрини (30 миллион), «Милан» ҳимоячиси Пьер Калюлю (25 миллион), «Лацио» ярим ҳимоячиси Маттео Гендузи (20 миллион), «Милан»га тегишли «Болонья» футболчи Алексис Салемакерс (10 миллион) ва «Женоа» ярим ҳимоячиси Руслан Малиновский (10 миллион).