43 ёшли испаниялик функционер Хавьер Рибалта "Марсель" спорт директори лавозимини тарк этди. Бу ҳақда клуб расмий сайти хабар берди.
"Биз Хавьер Рибалтага клубимиз билан бўлган сафари давомида иштироки ва профессионаллиги учун миннатдорчилик билдирамиз", - дейилади клуби расмий сайтидаги баёнотда.
Эслатиб ўтамиз, Хавьер ўтган ёздан бери "Марсель" спорт директори лавозимида ишлаб келаётганди. Бунгача испаниялик функционер “Парма” ва “Зенит”да худди шундай лавозимда ишлаган, шунингдек, “Манчестер Юнайтед”, “Ювентус”, “Новара”, “Милан” ва “Торино” клубларининг скаутлик хизматларида ҳам ишлаган.